کابل باختر دلړم دويمه
دکونړ ولايت دخاص کونړ ولسوالۍ دنجونو دليسې نوى ودانۍ پرون ددغه ولايت دوالي فضل الله واحدي او ددغه ولايت دپوهنې رياست دمسوولينو له خوا پرانستل شوه .
دباختر اژانس دخبر له مخې، دغه ودانۍ په يو پوړ کې دهندوستان په مالي مرسته جوړه شوې ده چې له ټولو ملحقاتوسره يې لس درسي او اته اداري خونې ٢٠٠ ميزونه او څوکۍ لري ددغې ليسې٨٧٠ تنو زده کوونکو پخوا تر خيمو لاندې زده کړه کوله چې ددغې ودانۍ په جوړولو سره هغوى ته دزده کړې ښه زمينه برابره شوې ده .
