کابل باختر دلړم نولسمه :
دهېواد دنولس کلنو ځوانانو دکرکټ ټيم په خپل پاکستاني سيال بريالى شو .
دباختراژانس دخبرله مخې، دپاکستان دکرکټ ټيم په شلمه دوره کې دټولو لوبغاړو په له لاسه ورکولو سره وکولاى شول يواځې ٥٧ منډې ترسره کړي .
مجيب ځدران شپږ ، نوين الحق او يوسف ځاځى دوه دوه پاکستاني لوبغاړي دلوبې له ډګر څخه لرې کړل .
دهېواد دکرکټ نولس کلن ځوانان په اتمه دوره کې ټاکل شوې هدف ته ورسيدل او خپل سيال يې په اوو ويکتونوسره ماتې ورکړه او ٦٦ ټوپونه پاتې شول .
مجيب ځدران دلوبې دتخنيکي ټيم له خوا د ډير ښه لوبغاړي په توګه وپيژندل شواوجايزه يې وګټله دا دپاکستان په وړاندې دافغانستان لومړنۍ تاريخي بريالتوب دى .
ديوبل خبرله مخې، ټاکل شوې ده دهېواد تنکي ځوانان سبا دخپل سيال سريلانکايي ټيم سره لوبه وکړي .
له نولس کلن څخه ښکته اته ټيمونه په دوو ګروپونوکې داسيايي لوبو دجام دترلاسه کولو په خاطر له يوبل سره لوبې کوي . افغانستان او پاکستان ، سريلانکا او امارات په بي ګروپ کې دي ، هند او ماليزيا ، بنګله ديش او نيپال په الف ګروپونوکې دي
دتنکيو ځوانانو دکرکټ جام دماليزيا په پايتخت کوالالمپور لوبغالى کې پيل او لس ورځې به دوام وکړي .
ختم_ عطاالله _اکرم
