د جوزجان والي له مخالفينو څخه وغوښتل چې په راتلونکو انتخاباتو کې ګډون وکړي .

کابل باختر د ثور لسمه :
د جوزجان والي  د دولت وسله والو مخالفينو ته  په خطاب کې وويل چې  دوه ټاکنې لر‌ئ ،  راځئ د سولې له بهير سره يوځاى شئ او په راتلونکو انتخاباتو کې ونډه واخلي  او يا دا چې د پخواني شوروي  د سرو ځواکونو په شان به د افغانستان د امنيتي ځواکونو له خوا  ووژل شى .
  د جوزجان والي  لطف الله عزيزي دغه ټکى د پخواني شوروي اتحاد پرخلاف  د افغانستان د خلکو د برحقه جهاد د شپږ ويشتمې کاليزې د درناوي په غونډه کې چې په دغه ولايت کې جوړه شوې وه څرګند کړ .
عزيزي دپخواني شوروي د سرو ځواکونو په وړاندې د افغانستان د خلکو برياليتوب  د هېواد  د تاريخ  يوه مهمه برخه وبلله او ويې ويل  چې؛ د افغانستان خلکو له  قرانکريم څخه  لارښوونه اخېستې ده او د پخواني شوروي د سرو ځواکونو په  وړاندې  يې خپلې سيمې سپر کړې او برياليتوب يې وګاټه .
ده ټينګار وکړ چې ؛د افغانستان د خلکو له سرښندنو او اتلواليو وروسته په هېواد کې نوې پاڼه پرانېستل شوه ، چې  ټول قشرونه او ګوندونه تر يوواحد چتر لاندې  ودريدل  او اوس د هېواد د پرمختګ او د بيا رغاونې لپارهلې ځلې کوي .  
په دې غونډه کې دغه راز  په راتلونکو انتخاباتو کې د رايې ورکولو لپاره  د نوم ليکنې په  بهير کې  د خلکو په پراخ ګډون ټينګار وشو .   ختم_ ج _ اکرم