نړيوالي خبري منابع باختر دچنګاښ دمياشتې ١٥ :
د فليپين جمهور رئيس رودريګو دوترته له هغه وروسته چې د ويتنامي دوملوان سر د ابوسياف د تروريستانو له خوا غوڅ کړاى شو، په غوسه شو او خبردارى يې ورکړ چې تروريستان به ژوندي وخوري .
د فليپين جمهور رئيس د تروريستانو دخوړولو په باب خپل خبردارى يوځل بيا تکرار کړ او تروريستانو ته يې په خطاب کې وويل: (که تاسو غواړئ، زه ستاسو ځيګر خورم او زه يوازې مالګه او سرګه پرې زياتوم او زه ستاسو په وړاندې هغوى خورم .)
د تارنماى رايتلر په ليکنه: دوترته د جنوبي د اوائو په ولايت کې په خپلو خبروکې تروريستانو ته وويل: (زه هرڅه خورم ، ماته زيان نه رسيږي.)
د فليپين اردو د چهارشنبې په ورځ د ويتنامي بيړۍ له څلورو تنو تښتول شويو کارکوونکوڅخه د دوو تنو کارکوونکو مړي چې سرونه يې د تروريستانو له خوا غوڅ کړاى شوي وو، پيدا کړل چې دوى تېرکال د نوامبر په مياشت کې د تروريستانو له خوا تښتول شوي وو.
