کابل، د مرغومې ۵ مه، باختر
د هلمند ګرمسېر ولسوالۍ کې د محمد یعقوب مطمئن په نوم د ۱۴ لوبډلو ترمنځ د فوټبال یو میاشتینۍ سیالۍ پیل شوې.
د دغو سیالیو لومړۍ لوبه د یاران او حبیبي لوبډلو ترمنځ ترسره شوه، چې یاران لوبډلې د ۲-۰ ګولونو په توپیر حبیبي لوبډلې ته ماتې ورکړه. خان محمد او بور آغا د یاران لوبډلې په ګټه یو- یو ګول ترسره کړ.
په ورته وخت کې د لغمان ولایت د علیشنګ ولسوالۍ په کوټالۍ کلي کې د ۴۲ لوبډلو ترمنځ د کرېکټ ټېپ بال سیالۍ پیل شوې.
د یادو سیالیو لومړۍ لوبه د کوټالي کلي ب او جمشېر آباد لوبډلو ترمنځ ترسره شوه، چې د کوټالي ب لوبډلې یې بریا خپله کړه.
دغه سیالۍ چې له نشه يي توکو څخه د ځوانانو د لرې والي او ورزش ته د ودې ورکولو په موخه پيل شوې؛ ۲۵ ورځې به دوام وکړي.
