کابل ۱۹ حوت باختر
برشنا شرکتی افغانستانده کاسا- ۱۰۰۰ لایحهسی نینگ ایکّی ییللیک کیچیکیشدن سونگ ایکّی آی ایچیده قَیته باشلنیشینی معلوم قیلدی.
برشنا شرکتی نینگ مطبوعات خدمتی بوگون اوشبو خبرنی اعلان قیلیش بیلن ایتدی: ایکّی ییللیک کیچیکیشدن سونگ، اوشبو لایحه نینگ قالگن ایشی افغانستانده ۱۴۰۳ ییل نینگ ثور آییده باشلنهدی، بو کاسا ۱۰۰۰ لایحهسی نینگ ۵۰% ایشیدیر. قیرغیزستان و تاجیکستاندن افغانستان آرقهلی پاکستانگه برق انرژیسی اوتکزهدی.
اوشبو لایحه بودجه سی منفعتدار دولتلر (افغانستان، قیرغیزستان، تاجیکستان و پاکستان) سوراویگه کوره جهان بانکی تامانیدن تولهنهدی.
کاسا ۱۰۰۰ برق اوزهتیش لایحهسی قیرغیزستان و تاجیکستاندن افغانستان آرقهلی پاکستانگه ۱۳۰۰ میگاوات برق انرژیسینی اوتکزیشگه قرهتیلگن لایحهدیر.
افغانستانده کاسا ۱۰۰۰ برق انرژیسینی شیرخان بندر قندوزدن ننگرهار نینگ تورخمگچه ۵۸۰ کیلومتر اوزونلیکدهگی برق اوزهتیش لایحهسی نینگ آبعیکتلری قوریب بیتکزیلماقده. اوشبو مهم برق لایحهسی ۱۴۰۴ ییل آخریده یکونلنیشی کیرهک.
اوشبو لایحه افغانستان اسلام امیرلیگی و برشنا شرکتی نینگ منطقه دولتلری و جهان بانکی بیلن همکارلیکدهگی سعی-حرکتلری نتیجهسیده ینه باشلنهدی.
ایتیلیشیچه، شو مقصدده تورکيه نینگ استانبول شهریده جهان بانکی، افغانستان، قیرغیزستان، تاجیکستان و پاکستان وکیللری اشتراکیده افغانستاندن پاکستانگه برق انرژیسینی اوتکزیش لایحهسینی قیتهدن باشلش یوزهسیدن ییغیلیش اوتکزیلگن.
اوتگن ییل نینگ ۷ و ۸ می کونلری بولیب اوتگن اوشبو ییغیلیشده برشنا شرکتی وکیلی بو ییغیلیشده اشتراک ایتیب، بو لایحهنی قَیته باشلشگه تیارلیگینی بیلدیرگن ایدی.