کابل ۴ ثور باختر
کان و پترولیم وزیرلیگی نینگ سرپرست وزیری شیخ الحدیث شهابالدین دلاور اوز دفتریده مس عینک لایحهسی نینگ شرطنامه رسميلری و اولر نینگ ایشچی گروهی بیلن اوچرهشدی.
کان و پترولیم وزیرلیگی مطبوعات خدمتی بوگون بو خبرنی اعلان قیلدی و انرژی و سوو وزیرلیگی وکیللری اشتراک ایتگن اوشبو اوچرهشووده مس عینک لایحهسی، ۴۰۰ میگاوات برق انرژیسی ایشلب چیقریش و باشقه مسألهلر یوزهسیدن فکر المشیش و بحث قیلینگنلیگینی معلوم قیلدی.
مذکور وزیرلیک وزیری کان و پترولیم وزیرلیگی نینگ سرپرست وزیری «مس عینک» لایحهسی نینگ یقینده عملگه آشیریلهیاتگن ایشلری و ایش ریجهلری حقیده گپیریب، عملی ایشلرنی باشلش و مذکور کارخانه نینگ ۴۰۰ میگاواتلیک برق انرژیسی لایحهسینی عملگه آشیریش بوییچه اوز تکلیفلری بیلن اورتاقلشدی.
اولر نینگ تکلیفلری و ایش ریجهلرینی تینگلب، کان و پترولیم وزیرلیگی نینگ سرپرست وزیری مس عینک لایحهسی نینگ اهمیتی و قدریتلری همده ۴۰۰ میگاوات برق انرژیسینی ییتکزیب بیریش حقیده گپیردی.
یقینده انرژی و سوو وزیرلیگی متصدیلری «مس عینک» قراردادی شرکتی ۴۰۰ میگاوات برق انرژیسی بیلن تأمینلش بوییچه هر قندهی همکارلیککه تیار ایکنلیکلرینی بیلدیرگن ایدی.