کابل ۱۲ دلو باختر
چین نینگ شاندونگ شینزو شرکتی گروهی افغانستانده تورلی ساحه‌لرگه، جمله‌دن، انرژی و سمنت ایشلب چیقریشگه سرمایه کیریتیشگه تیار.
صنعت و تجارت وزیرلیگی مطبوعات خدمتی بوگون شونده‌ی خبر اعلان قیلدی: اوشبو وزیرلیک رهبری الحاج نورالدین عزیزی چین نینگ شاندونگ شینزو شرکتلر گروهی وکیلی رابرت منگ بیلن اوچره‌شدی.
اوشبو اوچره‌شوویده رابرت منگ شاندونگ شینزو شرکتلر گروهی نینگ افغانستانگه سرمایه کیریتیشگه قیزیقیشینی بیلدیردی و اولر قویاشدن، کابلده کمیده ۱۰ میگاوات برق انرژیسی ایشلب چیقریشنی باشلشگه، سمنت زواد(فابریکه)لری، کودکیمیاویی، شیشه زواد(فابریکه)لرینی قوریش و قوریلیشنی باشلشگه تیارلیگینی ایتدی. اوشبو شرکت افغانستانده ییلیگه ۱۰۰ مینگ تُن‌گچه نفتنی قَیته ایشلشگه سرمایه کیریته‌دی.
الحاج نورالدین عزیزی شینزو شرکتلر گروهی نینگ ریجه‌سینی آلقیشله‌دی و دیدی: اولر نینگ افغانستانده‌گی سرمایه‌لری و فعالیتی قوللب-قوّتلنه‌دی.
