کابل ۱ ثور باختر
پاکستان عالی سودی (محکمهسی) مدافعه وزیرلیگی و پاکستان نینگ باشقه استخباراتی ادارهلری بیلن همکارلیکده جنرال فیض حمید نینگ مالی فسادینی تیکشیرهدی؛ بو مملکت حربی استخبارات تشکیلاتی نینگ سابق باشلیغی «آی اس آی»نی باشلهگن.
جنرال فیض حمید ییر و ملکنی تارتیب آلیش، شونینگدیک، منصب وکالتینی سوءاستعمال قیلیشده عیبلنماقده.
بو سرگذشت جنرال نینگ تیرگاو جریانی معز احمدخان مالک نینگ اسلامآباد هواقونالغه سی یقینیدهگی «تاپ سیتی» خصوصی ایگهسی پاکستان عالی سودیگه شکایت قیلیب، جنرالنی اونینگ ملکینی تارتیب آلگنلیکده عیبلهدی.
اوشبو تدقیقات پاکستان عالی سودی و اوشبو مملکت مدافعه وزیرلیگی بویروغی بیلن عملگه آشیریلماقده و بو مملکت اردوسی هم اوشبو تدقیقاتنی اوتکزیش اوچون مخصوص کمیته توزگن.
اوشبو شکایتگه کوره، ۲۰۱۷-ییل نینگ می آییده بیر قنچه پاکستان آی اس آی استخباراتی فیض حمید بویروغی بیلن احمد خان شهرکی و ادارهلریگه باستیریب کیریب، بیر قنچه آلتین، الماس و نقد پوللرنی مصادره قیلگن.
مذکور تورر-جای ایگهسی اوز عریضهسیده اوشبو هجومدن سونگ فیض حمید و اونینگ اکهسی معمانی حل قیلیب، قیمتبها بویوملرنی قَیتریب بیریشگه وعده بیرگنینی یازگن. بیراق اولر بو وعدهنی بجرمهدیلر.
جنرال فیض حمید ۲۰۱۹ ییلدن ۲۰۲۲ ییلگچه پاکستان استخبارات باشلیغی بولگن و بونگچه اوشبو تشکیلاتده تروریزمگه قرشی کورهش بوییچه مدیری بولگن.