کابل ۹ حمل باختر
تشقی ایشلر وزیرلیگی نینگ سیاسی اورینباسری ناروی نینگ کابلدهگی ایلچیسی بیلن اوچرهشوویده شوندهی دیدی: اسلام امیرلیگی برچه دولتلر بیلن ملی منفعتلر نقطهی نظریدن موازنتلی سیاست بیلن ایجابی همکارلیک قیلیشنی طلب قیلهدی.
ارگ خبرنامهده شوندهی یازدی: باش وزیرلیک ادارهسی نینگ سیاسی اورینباسری مولوی عبدالکبیر ناروی نینگ کابلدهگی ایلچیسی پاول کلومن بیکین بیلن اوچرهشدی.
اوشبو اوچرهشووده قندهاردهگی یقینده صادر بولگن واقعهنی قارهلر ایکن، پاول کلومن بیکین باش وزیرلیک ادارهسی نینگ سیاسی اورینباسریگه همدردلیک بیلدیردی و بیر قطار گروهلر، جملهدن داعش نینگ حکومت تامانیدن کوچسیزلشتیریلیشی بیلن اولر اوّلگی کوچلرینی یوقاتگنلیکلرینی ایتدی.
بیکین افغان مهاجرلری نینگ پاکستاندن دیپورت قیلینیشینی تشویشلی حالت دیب اتهدی و کابل و اسلامآباد مناسبتلریده ایجابی اوزگریشلر بولیشیگه امید بیلدیردی.
او اسلام امیرلیگی نینگ فسادگه نینگ آلدینی آلیش، خوفسیزلیکنی تأمینلش، بنگی وار مادّهلرگه برهم بیریش و باشقه ساحهلردهگی یوتوقلرینی یوقاری بهالهدی و افغانستاننی شو پیتگچه دنیا تن آلمهگنی و بو هر ایکّی تامان اوچون هم علاقهدار ایمسلیگینی تأکیدلهدی. و بو بارهده ترقیاتگه ایریشیش اوچون قوشیمچه قیلیب، و میدانگه کوپراق کوچ کیرهکلیگینی ایتدی.
ناروی نینگ کابلدهگی ایلچیسی هم اسلام امیرلیگی مخالفلرینی قوللب-قوّتلهمسلیکلرینی و ناروی اروپا اتفاقی و بیرلشگن ملتلر تشکیلاتی بیلن اقلیم اوزگریشیده افغانلرگه یاردم بیریش اوچون همکارلیک قیلهیاتگنینی بیلدیردی.
اوشبو اوچرهشووده باش وزیرلیک ادارهسی نینگ سیاسی اورینباسری مولوی عبدالکبیر هم افغانستان نینگ حاضرگی خوفسیزلیگینی ناتو و آمریکا اشتراکیدهگی خوفسیزلیکدن یخشیراق دیب اتهدی و بعضی جهتلردن خوفسیزلیک حادثهلری بعضی افغانستان نینگ خوفسیزلیک بیلن باغلیقلیگینی تأکیدلهدی. افغانستانگه هیچ قندهی علاقهسی بولمهگن اسلام امیرلیگی دولتلر اوزلری نینگ ایچکی مسألهلرینی اوزلری حل قیلیشلری و خوفسیزلیگینی تأمینلشلری یخشیراقدیر دیب اتهدی.
باش وزیرلیک ادارهسی نینگ سیاسی اورینباسری اسلام امیرلیگی نینگ، جملهدن، قوشنیلری نینگ کوپلب دولتلر بیلن حاضرگی علاقهلری رواجلنیب بارهیاتگنینی تأکیدلب، اسلام امیرلیگی برچه کوچلر بیلن ملی منفعتلر نقطهی نظریدن موازنتلی سیاست بیلن ایجابی همکارلیک قیلیشنی طلب قیلیشینی قوشیمچه قیلدی.
اونگه کوره؛ مینگلب خاتین-قیزلر دولت و خصوصی سکتور ادارهلریده ایش بیلن بند بولیب، برچه درجهدهگی آدملر نینگ آوازی ایشیتیلماقده.
ایسلهتیب اوتمیز، باش وزیرلیک ادارهسی نینگ سیاسی اورینباسری ناروی – افغانستانده اطراف-محیطنی محافظه قیلیش ساحهسیدهگی سعی-حرکتلری اوچون منّتدارلیک بیلدیریب، افغانستان سوو ریسورسلرینی باشقهریش و اورمانلرنی قَیته تیکلش ساحهسیده همکارلیککه محتاجلیگینی تأکیدلهدی.