کابل، ۱۴ جدی، باختر
باش وزیرلیک اداره سی نینگ سیاسی اورین باسری مولوی عبدالکبیر نینگ ایتیشیچه، اسلام امیرلیگی معلوللرگه یاردم بیریش و اولر قیینچیلیکلرگه دوچ کیلمسلیکلری اوچون اولرنی دوالش نینگ مخصوص اصوللرینی قیدیرماقده.
اوشبو اورین‌باسرلیک مطبوعات خدمتی اخبارات نامه سیده یازیشیچه، مولوی عبدالکبیر بو بیاناتلرنی اسلام امیرلیگی نینگ بیر قطار معلول مجاهدلری بیلن اوچره‌شوولریده ایتگن.
بو مجاهدلر نینگ فداییلیک و فداییلیکلرینی آلقیشلب، اولرنی اسلام امیرلیگی نینگ شأنی و یارقین شخصلری دیب اته‌دی.
باش وزیرلیک اداره سی نینگ سیاسی اورین باسری شونده‌ی دیدی: اسلام امیرلیگی برچه معلول کیشیلرگه قیینچیلیکلرگه دوچ کیلمسلیکلری اوچون اولرگه یاردم بیریش و دوالش نینگ مخصوص اصوللرینی قیدیرماقده.
شونینگدیک، مولوی عبدالکبیر بیر قطار نفوذلی عالِملر، ایتنیک نفوذلی شخصلر و حکومت عملدارلری بیلن علیحده اوچره‌شوولرده صحبتلشدی.
بو اوچره‌شووده او علمالر و اسلام امیرلیگی اورته‌سیده‌گی علاقه‌لر، حکومت و ملت اورته‌سیده‌گی علاقه‌لرنی مستحکملشده علمالر نینگ اورنی حقیده گپیردی. اوشبو ییغیلیشده اشتراک ایتگن عالِملر اسلام امیرلیگی بیلن همکارلیک قیلیشلریگه ایشانچ بیلدیردیلر.
ایتیلیشیچه، بیر قطار حکومت وکیللری علیحده ییغیلیشلرده باش وزیرلیک اداره سی نینگ سیاسی اورین‌باسریگه اوز بولیملری فعالیتی یوزه‌سیدن معلومات بیرگن.
