کابل ۱۴ حوت باختر
افغانستان اسلام امیرلیگی وزیرلیگی نینگ سیاسی اورین‌باسری مولوی عبدالکبیر نینگ ایتیشیچه، اسلاميگی توزوم افغانستان خلقی آره‌سیدن پیدا بولگن و اونگه ایگه‌لیک حسسی برچه افغانلرگه تیگیشلی.
ارگ نشری خبرنامسیده یازیلیشیچه، مولوی عبدالکبیر بو بیاناتلرنی ننگرهار نینگ اچین تومنیده‌گی بیر قطار قبیله آقسقاللری بیلن اوچره‌شوویده ایتگن.
آچین تومنیده‌گی قبیله آقسقاللری عمومی خوفسیزلیکدن ممنون ایکنلیکلرینی ایتیب، حاضرده اچین اهالیسی تولیق خوفسیزلیکده یشهب، کونده‌لیک ایشلرینی آلیب باره‌یاتگنی، اسلام نظامی نینگ برپا ایتیلیشی، اونینگ یولیده کوپ قربانلر بولگنینی تأکیدله‌دیلر. امان قالیش اوچون اولر هر قنده‌ی قربانلیک قیلیشگه تیارلیکلرینی ایتدی.
شونینگدیک، اوشبو تومنده آبادانلشتیریش لایحه‌لرینی عملگه آشیریش طلب قیلینیب، اهالی پولی‌کلینیک‌‌لر، مکتبلر، الکتر تأمیناتی و باشقه آبادانلشتیریش مسأله‌لری بوییچه معمالرگه دوچ کیله‌یاتگنینی ایتیشدی.
تشقی ایشلر وزیرلیگی نینگ سیاسی معاونی مولوی عبدالکبیر بو ایتنیک آقسقاللر بیلن اوچره‌شگنیدن ممنونلیگینی اظهار قیلر ایکن، ننگرهار ولایتی نینگ اچین تومنی اهالیسی اشغال پیتیده کتّه یوقاتیشلرگه اوچره‌گنی، حکمرانلیک طفیلی اولر نینگ فداییلیک و سعی-حرکتلرینی اونوتیب بولمه‌یدی، دیدی.
باش وزیرلیک اداره‌سی نینگ سیاسی اورین‌باسری اسلامی توزوم افغانستان خلقی آره‌سیدن پیدا بولگن، اونگه ایگه‌لیک تویغوسی برچه افغانلرگه تیگیشلی ایکنلیگینی، اولر نینگ مقصدی الهی فرمانلرنی هر تامانله‌مه عملگه آشیریش و خلققه خدمت قیلیش ایکنلیگینی قوشیمچه قیلدی. اچین تومنیده‌گی معمالرنی حل ایتیشده تیگیشلی بولیملرگه کورسه‌تمه‌لر کیره‌ک بوله‌دی دییه هم تأکیدله‌گن.
