کابل ۱۷ دلو باختر
افغانستان اسلام امیرلیگی باش وزیرلیک اداره سی نینگ اورین‌باسری سیاسی اورین‌باسری مولوی عبدالکبیر شونده‌ی دیدی: «اسلام امیرلیگی خلق همکارلیگی نتیجه‌سیده وجودگه کیلدی و رسميلر خلق نینگ معمالرینی اوز وقتیده حل قیلیشگه حرکت قیلماقده.
باش وزیرلیک اداره سی نینگ سیاسی اورین‌باسرلیک مطبوعات خدمتی ترقتگن خبرنامه‌ده، مولوی عبدالکبیر؛ ننگرهار، بادغیس، زابل و کابل نی پغمان تومنلری نینگ بیر قطار ایتنیک آقسقاللری و عالِملری بیلن علیحده اوچره‌شگنینی یازدی.
بو اوچره‌شوولرده مذکور ولایتلر نینگ قبیله آقسقاللری و علمالری اسلام امیرلیگینی قوللب-قوّتلب، شونده‌ی دیدیلر: افغانستانلیکلر اوزاق دوام ایتگن کوره‌شلردن سونگ اسلامی توزوم نینگ ایگه‌لریگه ایلنیشدی، اسلام امیرلیگی غلبه قازانگنیدن سونگ، خلق بیرلشدی، ایکّی یوزلمه‌چیلیک. یکونلندی و منطقوی همکارلیک ایجابی اوزگریشلر بولدی.
شونینگدیک، اولر اوزلری نینگ منطقوی معمالری و تکلیفلرینی سیاسی اورین‌باسرلیک باشلیغی بیلن اورتاقلشدیلر و اوز حدودلریده قوریلیش، رواجلنتیریش و تعلیم لایحه‌لرینی یره‌تیشنی طلب قیلیشدی.
باش وزیرلیک اداره سی نینگ سیاسی اورین‌باسری مولوی عبدالکبیر حکومت ایشیگی خلق اوچون آچیق و متصدیلرگه اوز مسئوليه‌تینی انگلش علمالر نینگ مسئوليه‌تی ایکنینی تأکیدله‌دی.
اونینگ قوشیمچه قیلیشیچه، اسلام امیرلیگی خلق همکارلیگی طفیلی یره‌تیلگن، برچه افغانلر شو توزوم سایبانی آستیده تینچ-آسایشته یشه‌ماقده، حاکمیت همان خلق معمالرینی اوز وقتیده حل قیلیشگه حرکت قیلماقده.
باش وزیرلیک اداره سی نینگ سیاسی اورین‌باسری قید ایتیلگن حدودلر اهالیسی نینگ معمالرینی حل ایتیش مقصدیده تیگیشلی باشقه‌رمه‌گه رهبرلیک قیلیشینی معلوم قیلدی.
