کابل، ۴ دلو، باختر
افغانستان اسلام امیرلیگی نینگ باش وزیرلیک اداره سی نینگ سیاسی اورینباسری مولوی عبدالکبیر دییدی: افغانستان نینگ برقرار بولیشی و خلق معمالرینی حل قیلیش اوچون عملدارلر نینگ خلق بیلن یقینراق و موافقلشتیریلگن بولیشی کیرهک.
مولوی عبدالکبیر بو حقده عالی تعلیم وزیری اورینباسری داکتر لطفالله خیرخواه، شهرسازلیک و اوی-جای وزیری اورینباسری شیخ مدار علی کریمی بامیانی و بیر قطار عالِملر بیلن علیحده اوچرهشوولریده ایتیب اوتدی.
اوشبو اوچرهشوولرده داکتر لطفالله خیرخواه و شیخ مدار علی کریمی بامیانی تیگیشلی بولیملر نینگ ایش جریانی حقیده معلومات بیریب، تیگیشلی بولیملر نینگ ایشیگی خلق اوچون آچیق ایکنلیگینی و اولر نینگ معمالری اوز وقتیده حل ایتیلیشینی قوشیمچه قیلدی.
یوقاریده ذکر ایتیلگن اوچرهشوولرده اشتراک ایتگن مملکت نینگ بیر قطار علمالری اسلام نظامی مستحکملنیب بارهیاتگنیدن ممنون ایکنلیکلرینی بیلدیریب، اسلام تیزیمی بیلن همکارلیک قیلیشلریگه ایشانچ بیلدیر دیلر.
باش وزیرلیک اداره سی نینگ سیاسی اورینباسری مولوی عبدالکبیر نینگ ایتیشیچه، افغانستاننی برپا ایتیش، برقرارلیک و خلق معمالرینی حل ایتیش خلققه اوز وقتیده جواب بیریش، چاره-تدبیرلرنی عملگه آشیریشنی طلب قیلهدی.