کابل ۲۹ حمل باختر
افغانستان اسلام امیرلیگی باش وزیرلیک اداره‌سی اداری اورین‌باسری خارجده استقامت قیله‌یاتگن افغان کادرلری و متخصصلرینی مملکتگه قَیتیب، اونی رواجلنتیریشده اشتراک ایتیشنی سوردی.
ارگ گزیته‌سیده یازیلیشیچه، مولوی عبدالسلام حنفی بیر گروه علم-فن و مدنیت اربابلری و خارجده یشهیاتگن افغانلر نینگ وکیللری بیلن اوچره‌شوویده بو طلبنی کوترگن.
مذکور اوچره‌شووده فن و مدنیت اربابلری همده خارجده استقامت قیله‌یاتگن افغانلر وکیللری مملکتده خوفسیزلیکنی تأمینلش، مأموری فسادگه چیک قوییش، بنگی وار مادّه‌لرنی تعقیقلش، اسلام امیرلیگی نینگ تورلی ساحه‌لرده ییریک ترقیات لایحه‌لرینی عملگه آشیریش و باشقه یوتوقلریدن ممنون ایکنلیکلرینی بیلدیردیلر. امیرلیک نینگ قَیته باشقرووی اسلام مملکتیده تورلی ساحه‌لرده، خصوصاً، سودا و سرمایه‌ده کوپلب امکانیتلر یره‌تیلگن و برچه فقرالر شخصی و مالی خوفسیزلیککه ایگه ایکنلیگینی ایتیب اوتدی.
اولر اسلام امیرلیگیدن تعلیم، ساغلیقنی سقلش ساحه‌لریده صفت و مقدارنی مستحکملش و کینگه‌یتیریش، باشقه‌رمه‌لرگه کوپراق متخصص و متخصصلرنی جلب ایتیش همده موجود اقتصادی امکانیتلردن فایده‌لنیشگه علیحده اعتبار قره‌تیشینی طلب قیلدیلر.
باش وزیرلیک اداره‌سی نینگ اداری اورین‌باسری هم اولرگه بوتونلی خوفسیزلیکنی تأمینلش، اقتصادی برقرارلیکنی مستحکملش و فقرالر اوچون ضرور قولیلیکلر یره‌تیش اسلام امیرلیگی نینگ وظیفه‌لریدن ایکنلیگینی و بو باره‌ده ایکّیلنمسلیگینی ایتدی.
مولوی حنفی افغانستان برچه افغانلر نینگ عمومی اویی ایکنلیگینی و اسلام امیرلیگی رسميلری مأموری فسادگه برهم بیریش و برچه فقرالرگه یخشی خدمت کورسه‌تیش طرفداری ایکنینی تأکیدله‌دی.
باش وزیرلیک اداره‌سی نینگ اداری اورین‌باسری، شونینگدیک، خارجده استقامت قیله‌یاتگن برچه افغان کادرلری و متخصصلرینی اوز یورتیگه قَیتیشگه و اونی رواجلنتیریشده اشتراک ایتیشگه چقیردی.
