کابل ۶ حمل باختر
صرافلر اویوشمه‌سی باشلیغی و اعضالری بیلن بولیب اوتگن اوچره‌شووده باش وزیرلیک اداره‌سی نینگ اورین‌باسری شونده‌ی دیدی: «اسلام امیرلیگی سوداگرلر، سرمایه‌دارلر و کسبه‌چیلر اوچون ضرور خدمتلرنی تقدیم ایتیش مجبوريه‌تینی آله‌دی.
ارگ اخبارات نامه‌سیده شونده‌ی دیب یازه‌دی: اوشبو ییغیلیشده صرافلر اویوشمه‌سی باشلیغی و اعضالری برچه فقرالر نینگ، اینیقسه صرافلر و سرمایه‌دارلر نینگ حیاتی و مالی خوفسیزلیگی تأمینلنگنیدن ممنون ایکنلیکلرینی بیلدیردیلر و شونده‌ی دیدیلر: مملکت صرافلری، کسبه‌چیلردن بیری صفتیده تجارت، سرمایه و پول اوتکزمه‌لری ساحه‌لریده ثمره‌لی رول اوینه‌یدی. فقرالر اوچون قوله‌یلیکلر یره‌ته‌دی و تأمینله‌یدی.
صرافلر اویوشمه‌سی اعضالری اسلام امیرلیگی تامانیدن تورلی ساحه‌لرده، خصوصاً، تجارت و سرمایه‌وی یونه‌لیشلرده ضرور قوله‌یلیکلر یره‌تیلگنیدن ممنون ایکنلیکلری بیلن بیرگه، اَیریم ساحه‌لرگه علیحده اعتبار قره‌تیش، جمله‌دن، سالیق توله‌شنی آسانلشتیریشنی سوردیلر.
مولوی عبدالسلام حنفی، باش وزیرلیک اداره‌سی نینگ اورین‌باسری: «افغانستان اسلام امیرلیگی برچه سوداگرلر، سرمایه‌دارلر و کسبه‌چیلرگه ضرور خدمتلرنی تقدیم ایتیش طرفداری و بو باره‌ده هیچ قنده‌ی کوچینی ایه‌میدی.»
او قوشیمچه قیلدی: اسلام امیرلیگی برچه سرمایه‌دارلر و سوداگرلر اوچون تورلی ساحه‌لرده قوله‌یلیکلر یره‌تیش اوستیده قتّيق حرکت قیلماقده و مملکت رونقی و رواجلنیشی اوچون تورلی ساحه‌لرگه سرمایه کیریتیشنی سوردی.
