کابل، ۳ جدی، باختر
تخار ولایت حاکمی بیلن اوچرهشوویده مهاجرلر و قَیتگنلر ایشلری بوییچه وزیرلیگی نینگ سرپرست وزیری اوشه ولایت رسميلریدن مهاجرلر نینگ اساسی معمالرینی انیقلشنی طلب قیلدی.
مهاجرلر و قَیتگنلر ایشلری وزیرلیگی مطبوعات خدمتی بوگون بو خبرنی اعلان قیلدی و شوندهی دیدی: بو وزیرلیک وزیری الحاج خلیل الرحمان حقّانی تخار ولایت حاکمی نینگ اورینباسری مولوی خال محمد حقّانی بیلن اوچرهشدی.
اوشبو ییغیلیشده بو وزیرلیک نینگ سرپرست وزیری ینگی قَیتگنلر و تخار محلی حاکملیکلری تامانیدن عملگه آشیریلگن ایشلر حقیده معلومات بیردی.
خلیل الرحمان حقّانی تخار نینگ محلی رسميلریدن قَیتگنلر نینگ معمالرینی توبدن اورگنیب، انیقلشنی و اونی مرکز بیلن بهم کوریشنی سوردی.
تخار ولایتی مهاجرلر بیلن ایشلش باشقرمه سی باشلیغی نینگ سوزلریگه کوره، بو ولایتده ایکّی مینگگه یقین قَیتیب کیلگن عایلهلر رویخطگه آلینگن دیدی.