کابل ۲۵ دلو باختر
شهیدلر و معلوللر ایشلری بوییچه وزیرلیگی نینگ سرپرست وزیری جنوبی آفریقالیک عالِملر بیلن اوچرهشوویده شوندهی دیدی: بیز شهیدلر و معلوللر عایلهلری نینگ اقتصادی احوالینی ایجابی اوزگرتیریشگه حرکت قیلماقدهمیز.
ملا عبدالمجید آخند هم شوندهی دیدی: افغان خلقی نینگ جهادیده کوپلب عایلهلر باسقین و اشغالگه قرشی جان و مادّی قربانلیکلرگه دچار بولدیلر، اولرگه غمخورلیک قیلیش کیرهک.
بو ییغیلیشده شهیدلر و معلوللر ایشلری بوییچه وزیر اورینباسری شیخ عبدالحکیم حقّانی افغانستاندهگی شهیدلر و معلوللر، شونینگدیک، شهیدلر نینگ میراثخورلری و عایلهلری حقیده معلومات بیریب، شوندهی دیدی: «اسلام امیرلیگی هر دایم یاردمگه محتاج بو طایفهگه کوپراق یاردم بیریشگه حرکت قیلهدی.» اولر نینگ اقتصادی احوالیده ایجابی اوزگریشلر بولسین دییه دائم یاردملشیب تورگن.
او ینه شوندهی دیدی: «اسلام امیرلیگی ییتیملر، بیوهلر و معلوللرنی هیچ قچان اونوتمهگن و بو گروهگه کوپراق یاردم کورسهتیلیشی اوچون اولر نینگ آوازینی همکار مؤسسه و تشکیلاتلرگه ییتکزیشنی اوزی نینگ دینی و وجدانی مسئولیتی دیب بیلهدی».
مفتیی عبدالله جنوبی آفریقا علمالری نامیدن سوزگه چیقیب، یاردم مؤسسهلری و تشکیلاتلرینی اوشبو جبرلنگن گروهگه کوپراق یاردم بیریشگه اوندهشلریگه وعده بیردی.
ایتیش جایزکی، ذکر ایتیلگن علمالر «افغانستانده میزان» ناملی خیریه مؤسسهسیگه مادّی یاردم کورسهتیب کیلماقده، بو مؤسسه شهیدلر و معلوللر نینگ میراثخورلرینی آزوق-اوقات بیلن تأمینلش بارهسیده فعال ایش آلیب بارماقده.