کابل ۱۷ حمل باختر
زابل و غور محلی حاکمیتلری اوشبو ولایتلرده صادر بولگن یول-ترانسپورت حادثه‌لری عاقبتیده ۲ کیشی جانینی قولدن بیریب، ۸ کیشی جراحتلنگنی حقیده خبر بیردی.
زابل امنیه قوماندانلیگی مطبوعات کاتبی قاری ذبیح الله جوهر نینگ باختر آژانسیگه معلوم قیلیشیچه، بوگون کابل-قندهار قتناو شاه یولی شاجوی تومنی نینگ تازی رباط کمپنی حدودیده تودی و بابوجی روسوملی موترلر اورته‌سیده صادر بولگن ترافیکی حادثه عاقبتیده ۴ کیشی جراحتلنیب و ۲ کیشی جانینی قولدن بیرگن.
شو بیلن بیرگه، غور امنیه قوماندانلیگی مطبوعات خدمتی اوشبو ولایت مرکزی فروزکوه شهری نینگ تسرقی حدودیده بیر موتر نینگ اغدریلیب کیتیشی سببلی ۲ ایرکک و ۲ عیال یره‌لنگنینی معلوم قیلدی.
متصدیلر نینگ ایتیشیچه، بونده‌ی بختسیز حادثه‌لرگه هیداوچیلر نینگ احتیاطسیزلیگی سبب بولگن دیدی.
منه شونده‌ی احوالده‌کی، سونگگی پیتلرده مملکتیمیزده یول-ترانسپورت حادثه‌لری کوپه‌ییب باره‌یاتگنی آدملرنی خواطرگه سالماقده.
