کابل، ۱۶ قوس، باختر
عالی تعلیم وزیرلیگی نینگ سرپرست وزیری مملکت نینگ غربی زونسیگه ایش سفری چاغیده بادغیس عالی تعلیم مؤسسه سی نینگ تورلی بولیملریده بولدی، شونینگدیک، کینگ جماعتچیلیک ییغیلیشیده اشتراک ایتدی.
بو حقده عالی تعلیم وزیرلیگی مطبوعات خدمتی بوگون معلوم قیلدی.
عالی تعلیم وزیرلیگی نینگ سرپرست وزیری شیخ الحدیث مولوی ندا محمد ندیم بادغیس عالی تعلیم مؤسسه سی نینگ تورلی بولیملریده بولیب، اوشبو علمی مؤسسه نینگ معمالرینی یقیندن اورگندی.
مذکور علمی مؤسسه متصدیلری و پروفیسور – اوقیتووچیلری بیلن بولیب اوتگن اوچرهشوویده اولر نینگ اوشه مؤسسهدهگی یریم تیار لایحهلرنی یکونلش، کتبخانهنی جهازلش، لابراتوارنی جهازلش بارهسیدهگی طلب و معمالرینی تینگلب، اونی حل ایتیشده همکارلیک قیلیش مجبوريهتینی آلدی.
عالی تعلیم وزیرلیگی نینگ سرپرست وزیری قلعه نو شهریده بولیب اوتگن عاموی ییغیلیشده اشتراک ایتیشنی دوام ایتتیردی، بادغیس ولایتی حاکمی اورینباسری و خلق وکیللری اوشبو ولایتدهگی تعلیم مرکزلرینی مستحکملش و رواجلنتیریش بوییچه اوز التماس و تکلیفلری بیلن اورتاقلشدی. اونینگ نامیدن همکارلیککه وعده بیرگن عالی تعلیم وزیرلیگی.
ایسلهتیب اوتمیز، عالی تعلیم وزیرلیگی نینگ سرپرست وزیری اوتگن کونلرده هرات ولایتیدهگی علم – فن و تعلیم مرکزلری و زلزلهدن جبر کورگن حدودلرده بولگن ایدی.