کابل، ۹ دلو، باختر
صنعت و تجارت وزیرلیگی «بوستان سبز» ایکینچیلیک ایشلب چیقریش کارخانه‌سینی قَیته فعاللشتیریشگه حرکت قیلماقده، شو مناسبت بیلن کونی توناون مذکور وزیرلیکده‌گی تیگیشلی مؤسسه‌لر اشتراکیده نوبتده‌گی ییغیلیش بولیب اوتدی.
بو حقده صنعت و تجارت وزیرلیگی مطبوعات خدمتی خبر بیردی: «بوستان سبز» ایکینچیلیک و چارواچیلیک شرکتی فعالیتینی قَیته تیکلش بوییچه یکونی ییغیلیش اوشبو وزیرلیک نینگ وزیری الحاج نورالدین عزیزی رئیسلیگیده و تیگیشلی اداره‌لر وکیللری اشتراکیده بولیب اوتدی.
نورالدین عزیزی اوشبو شرکت ییغیلیشیده افغانستانده‌گی سرمایه‌دارلر قوللب-قوّتلنه‌یاتگنی و قولیلیکلر یره‌تیلگنینی تأکیدله‌دی.
ییغیلیشده ایکینچیلیک، ییرلرنی سوغاریش و چارواچیلیک وزیرلیگی وکیلی مذکور وزیرلیک نینگ مذکور کارخانه فعالیتینی قَیته تیکلش باره‌سیده‌گی وظیفه‌لری حقیده معلومات بیردی.
ییغیلیشلر حساباتی و ییغیلیش قرارلرینی یکونی قرار قبول قیلیش اوچون اقتصادی کمیسیونگه یوباریشگه قرار قیلیندی.
«بوستان سبز» کارخانه‌سی سبزه‌وات و میوه‌لرنی قَیته ایشلش و قداقلش اوچون برچه امکانیتلرگه ایگه بولگن مملکتیمیزده‌گی فعال و ییتکچی ایکینچیلیک کارخانه‌لریدن بیریدیر. اوشبو شرکت بگرام پروان تومنیده‌گی بریکوب حدودیده‌گی ۶۰۰ جریب میدانده قوریلگن بولیب، او ایرده بیر قطار دولت مؤسسه‌لری و خصوصی سکتور سرمایه کیریتگن.
