کابل، ۲۰ قوس، باختر
ساغلیقنی سقلش وزیرلیگی نینگ سرپرست وزیری، حج و اوقاف و باشقه بیر قطار وزیرلیکلر وکیللری بیلن اوچرهشوویده ایدز کسللیگیگه قرشی کورهشده علمالر نینگ رولینی مهم دیب اتهدی.
ساغلیقنی سقلش وزیرلیگی مطبوعات خدمتی بو خبرنی اعلان قیلدی: ساغلیقنی سقلش وزیرلیگی نینگ سرپرست وزیری داکتر قلندر عباد، حج و اوقاف وزیرلیگی نینگ مالی و اداری معینی مولوی عارف الله عارف بیلن اوچرهشوویده، و امر بالمعروف و نهی از منکر وزیرلیگی نینگ نماینده سی مولوی حمید الله امین ینه بیر قطار عالِملر ایدز کسللیگیگه قرشی قندهی کورهشیشنی بحث قیلدیلر.
مذکور ییغیلیشده ساغلیقنی سقلش وزیرلیگی نینگ سرپرست وزیری ایدز گه قرشی کورهشده علمالر نینگ رولینی مهم دیب اتهدی و تیگیشلی وزیرلیک وکیللریدن اهالی آگاهلیگینی آشیریش مقصدیده منبرلر، مسجدلر و باشقه جماعت آبعیکتلریدن فایدهلنیشنی سوردی.
شونینگدیک، داکتر قلندر عباد ساغلیقنی سقلش وزیرلیگی تامانیدن کروناویروسگه قرشی واکسین، پولیوگه قرشی واکسین و باشقه واکسینلرنی جاری ایتیش بارهسیده ایریشیلگن یوتوقلرگه توختهلر ایکن، بو بارهده بیز جوده یخشی نتیجهلرگه ایریشگنیمیز و مملکتیمیز عالِملری نینگ اۉرنی بارلیگینی تأکیدلهدی. بو مسألهده جوده مهم و عجایب ایدی.
باشقه تاماندن، حج و اوقاف، امر بالمعروف و نهی از منکر وزیرلیکلری وکیللری ساغلیقنی سقلش وزیرلیگی بیلن همکارلیک قیلیشلرینی اعلان قیلیب، بو بارهده مسجدلر آرقهلی علمالرگه یاردم بیریشگه وعده بیریشدی. سمینارلر و باشقه آبعکتلر اولیمگه آلیب کیلهدیگن کسللیکلرگه قرشی کورهشده همکارلیکنی تکلیف قیلهدی.