کابل ۴ ثور باختر
ساغلیقنی سقلش وزیرلیگی نینگ سرپرست وزیری کیتس او آر خیریه جمغرمه‌سی رسميلری بیلن اوچره‌شوویده مملکت ساغلیقنی سقلش ساحه‌سیده اوشبو تشکیلات آرقه‌لی کوپراق همکارلیک قیلیش و شفاخانه‌لرنی تامیرلشینی سوردی.
بوگون ساغلیقنی سقلش وزیرلیگی ساغلیقنی سقلش خدمتی معينی مولوی عبدالولی حقانی اوز اداره‌سیده کیتس او آر خیریه جمغرمه‌سی رسميلری بیلن اوچره‌شگنینی معلوم قیلدی.
اوشبو اوچره‌شووده آتاتورک کسلخانه‌سی اوپراسیون خانه‌سینی تامیرلش، اوشبو شفاخانه‌نی طبی اسباب-اسکونه‌لر بیلن تأمینلش، افغان طبیات خادملری نینگ صلاحیتینی آشیریش، برقرار همکارلیک و باشقه کوپلب ساغلیقنی سقلش مسأله‌لری بحث قیلیندی.
ساغلیقنی سقلش وزیرلیگی نینگ صحی خدمات معينی مولوی عبدالولی حقانی آتاتورک کسلخانه‌سی اوپراسیون خانه‌سی تامیرلنگنی و اوشبو شفاخانه طبی اسباب-اسکونه‌لر بیلن تأمینلنگنی اوچون اوز منّتدارچیلیگینی بیلدیردی و بو آرقه‌لی باشقه شفاخانه‌لر بیلن همکارلیکنی کینگه‌یتیریش و تامیرلشنی سوردی.
باشقه تاماندن، بویوک بریتانیا خیریه جمغرمه‌سی متصدیلری اوشبو تشکیلات نینگ برقرار همکارلیگینی تأکیدلب، کیلگوسیده باشقه شفاخانه‌لر نینگ اوپراسیون خانه‌لرینی قَیته قوریشلرینی تأکیدلب، ساغلیقنی سقلش وزیرلیگی رهبریتیدن اوشبو تشکیلات نینگ فعالیتینی تیکلشنی سوره‌شدی.
