کابل، ۳ دلو، باختر
افغانستان اسلام امیرلیگی مطبوعات کاتبی مولوی ذبیح الله مجاهد نینگ ایتیشیچه، یوناما تامانیدن افغانستانده‌گی بشردوستلیک وضعیت حقیده چاپ ایتیلگن حسابات اساساً توشونماوچیلیککه اساسلنگن دیدی.
مجاهد، بیرلشگن ملتلر تشکیلاتی نینگ افغانستانده‌گی راپوری نینگ یاکه یوناما افغانستانده‌گی سونگگی ۳ آیده‌گی بشردوستلیک وضعیتنی بهاله‌گن حساباتنی چاپ ایتگنینی، یوناما نینگ توشونمسلیگی و حتی بعضی حاللرده اسلامی قاعده‌لرنی تنقید قیلیش شکلیگه ایگه ایکنلیگینی ایتدی.
افغانستان اسلام امیرلیگی اوز خلقی نینگ قوللب-قوّتلشی بیلن اسلام شریعتی قاعده‌لرینی عملگه آشیریش یولیده کتّه قربانلیکلر بیریب، و اسلامی قاعده لرنی تولیق عملگه آشیردی.
عیاللر حجابی، عیاللر بیلن شریعت سِرینی سقلش ضرورلیگی، عیاللر نینگ محنتی و بیلیم آلیشی اوچون شریعت محیطی، شونینگدیک، سودلر (قضایی) تامانیدن شریعت جزالری نینگ شریعت اساسیده قوللنیلیشی، جمعیتده دینی آغایشلر نینگ آلدینی آلیش، بولر نینگ برچه‌سی اسلامی حکومت نینگ شرعی فرضی دیر.
یوناما نینگ ذکر ایتیلگن حالتلرنی تنقید قیلیشی یاکه انیق اسلام قاعده‌لرینی انسان حقوقلریگه ضد حرکت، دیب اتشی بیر خلق نینگ عرف و اعتقادینی حقارت قیلیشدیر.
اسلام امیرلیگی یوناماگه افغانستان خلقی نینگ دینی و مهم مسأله‌لرینی اساسسیز تنقید قیلمسلیکنی توصیه قیله‌دی.
اسلام امیرلیگی وزیرلیگی، سودلر یاکه باشقه اخلاق توزه‌تیش مؤسسه‌لری تامانیدن عملگه آشیریلگن هر قنده‌ی ایش اسلام امیرلیگی رهبریتی نینگ بویروغی بیلن چوقور اورگنیلگندن سونگ عملگه آشیریله‌دی، بو هم شریعت، هم قانونی دیر، نه اوزباشیمچه‌لیک و نه قانون‌بوزرلیکدیر. بیراو نینگ حق-حقوقینی پایمال قیلیش، عکسینچه، بو احکاملرنی قوللش، ظلم نینگ یوق قیلیش، اسلامی احکاملردن واز کیچیش ایسه جمعیتده فساد، نزاعلر، اوروشلر کیلیب چیقیشیگه سبب بوله‌دی.
