کابل ۱۵ حمل باختر
آمریکا قوشمه شتاتلری (ایالتلری) ییر سیلکینیشلری مرکزی تایوان نینگ هوآلین منطقه‌سیده ۷.۴ ریشترلی زلزله صادر بولگنینی معلوم قیلدی.
اوشبو مرکز معلوماتلریگه کوره، بو زلزله بوگون ایرته‌لب تایوان نینگ هوآلین منطقه‌سیده ۳۴.۸ کیلومتری چوقورلیکده صادر بولگن، شوندن سونگ ینه بیر قنچه کوچلی زلزله‌لر صادر بولگنلیگی حقیده خبرلر کیلگن.
عامه‌وی اخبارات واسطه‌لری، شونینگدیک، اوشبو زلزله‌لر تایوان نینگ اَیریم قِسملرینی سیلکیتگنی و بیر قطار بنالرنی ویران قیلگنی، اولر نینگ یرمی هوآلین منطقه‌سیده ایکنلیگی حقیده خبر بیردی. حاضرچه اوشبو حادثه‌ده بیر کیشی نینگ اولگنی تصدیقلندی و کوپراق قربانلر بولیش احتمالی بار دیدی، ینه ۵۰ کیشی جراحتلنگن و بعضیلری بنالرده قالیب کیتگن و قوتقروو اوپراسیون‌سی (عملیاتی) دوام ایتماقده.
تایوان حکومتی منبعلری اوشبو زلزله مملکتده سونگگی ۲۵ ییل ایچیده مثلی کوریلمه‌گنی، جاپان و فیلیپینده سونامی حقیده آگاهلنتیریشلر اعلان قیلینگنینی ایتدی.
