کابل ۱۲ دلو باختر
بلخ گمرگده اوتوترانسپورت بیکتی (توقفگاه) قوریلیشی باشلندی، مالیه وزیرلیگی نینگ سرپرست وزیری اوشبو لایحه ایشینی آچدی.
مالیه وزیرلیگی مطبوعات خدمتی بوگون اعلان قیلگن اخبارات نامه سیده شونده‌ی دیدی: بلخ باجخانه‌سیده موتر انباری قوریلیشی اوشبو وزیرلیک نینگ وزیری ملا محمد ناصر آخند تامانیدن آچیلدی، و بو اوتوترانسپورت بیکتی قیرق ایتتی اعشاریه بیش میلیون افغانی قیمتیگه قوریله‌دی.
بلخ ولایتی حاکمی حاجی محمد یوسف وفا اوشبو لایحه‌نی باشلش مراسمیده شونده‌ی دیدی: بلخ محلی مأموریتی تورلی ساحه‌لرده‌گی سوداگرلر و سرمایه‌دارلر اوچون قوله‌یلیک یره‌تیشگه اوزینی مجبور دیب بیله‌دی.
مالیه وزیرلیگی نینگ سرپرست وزیری دیدی؛ مملکتیمیزده سودا-ساتیقنی رواجلنتیریش مقصدیده ایش بیلرمانلر اوچون ضرور قوله‌یلیکلر یره‌تیش و بو کبی لایحه‌لرنی مملکتیمیز نینگ باشقه باجخانه اداره‌لریده هم عملگه آشیریشگه حرکت قیلیشیمیزدن عبارت.
بلخ اوتوترانسپورت بیکتی (۷.۵) جریب میدانده (۷) آی ایچیده قوریله‌دی. اوشبو لایحه قیمتی مالیه وزیرلیگی نینگ رواجلنیش بودجه حسابیدن توله‌نه‌دی.
