کابل، ۱۷ قوس، باختر
بلخ حاکمی حاجی محمد یوسف وفا روسيه، تورکيه، ایران، پاکستان، اوزبیکستان، قزاقستان و تورکمنستان کینگشی دیپوتاتلری قنسوللری، بیر قنچه قنسوللیک یاردمچیلری، قیزیل آی تشکیلاتی باشلیغی، یوناما وکالتخانهسی وکیلی و اوشبو قنسوللیکلر نینگ دیپلوماتلری بیلن اوچرهشدی.
بو ییغیلیشده بلخ حاکمی حاجی محمد یوسف وفا برچهنی قوتلب، بو ییرده اوز بورچلرینی دوام ایتتیریب، اذیت چیکّن خلققه خدمت قیلهیاتگنلیکلری اوچون منّتدارچیلیک بیلدیردی.
حاجی وفا نینگ قوشیمچه قیلیشیچه، افغانستان اسلام امیرلیگی اوزی نینگ رسمی سیاستیگه کوره دنیا بیلن ایجابی مناسبتده بولیشنی ایستیدی، قوشنی دولتلرگه هیچ قندهی خوف یوق دیدی.
بلخ حاکمی اولردن بلخ اهالیسیگه ویزهلر و تیگیشلی مسألهلرده یاردم بیریش و همکارلیک قیلیشلرینی التماس قیلدی.
او شوندهی دیدی: «اسلام امیرلیگی تن آلیش اوچون برچه شرطلرنی بجردی و افغانستان نینگ اصل قیافهسینی دنیاگه ییتکزیش اوچون برچه مسوولیت سیزده شو بیلن بیرگه، کیلگن وکیللر بلخ حاکمی بیلن اوچرهشیشدن ممنون ایکنلیکلرینی بیلدیریب، افغانستانگه مدنیت، تعلیم، ساغلیقنی سقلش، تجارت، ایکینچیلیک، اساسی لایحهلر و سپورت ساحهلریده دایما یاردم بیریشگه تیار ایکنلیکلرینی قوشیمچه قیلیشدی.