کابل ۳ جدی باختر
آمریکا جمهور رئیسی جوبایدن مملکت نینگ ۸۸۶ میلیارد دالرلیک حربی بودجه سیینی تصدیقلهدی.
آمریکا دنیادهگی اینگ کتّه حربی بودجه گه ایگه.
آق اوی بیاناتیده آمریکا جمهور رئیسی جوبایدن ۲۰۲۴ – مالی ییلی اوچون ۸۸۶ میلیارد دالرنی تشکیل ایتهدیگن ملی مدافعه رخصتنامهسی توغریسیدهگی قانون لایحهسینی امضالهگنینی اعلان قیلدی.
اوشبو قانون لایحهسیده، عموماً آلگنده، مدافعه وزیرلیگی، ملی انرژی خوفسیزلیگی دستورلری باشقرمه سی، دولت اداری و استخبارات هم جمعيتی نینگ ینگی مالی ییلی اوچون بودجه انیقلنگن.
اوشبو قانون لایحهسی دسامبر ۱۳ سنا کینگشی و کانگرسده ۱۴ دسامبرده معقوللنگن و ایندی او جوبایدن امضاسی بیلن قانونگه ایلندی.
۲۰۲۴ – مالی ییل جاری ییل نینگ ۱ آکتبریدن باشلندی و ۲۰۲۴ – ییل ۱ -اکتبرگچه عمل قیلهدی.
اوشبو قانون لایحهسیده اوکراینگه یاردم بیریش اوچون ۳۰۰ میلیون دالرلیک بودجه کوزده توتیلگن.
بیراق، بو رقم بایدن کیفگه روسيهگه قرشی کورهشده یاردم بیریش اوچون کانگرسدن سورهگن ۶۱ میلیارد دالرگه نسبتاً انچه آز.