کابل ۲ حوت باختر
مولوی عبدالکبیر، باش وزیرلیک اداره سی نینگ سیاسی اورین‌باسری: افغانستان اسلام امیرلیگی ملاقاتگه ایشانه‌دی و هر بیر معمانی ملاقات آرقه‌لی حل قیلیشنی ایسته‌یدی.
ارگ اوز اخبارات نامه سیده یازیشیچه، مولوی عبدالکبیر بو بیاناتلرنی جاپان نینگ کابلده‌گی ایلچیسی تاکایوشی کورومیا بیلن اوچره‌شوویده ایتگن.
اوشبو اوچره‌شوویده جاپان نینگ کابلده‌گی ایلچیسی تاکایوشی کورومیا جاپان و افغانستان اورته‌سیده اوزاق تاریخی علاقه‌لر موجودلیگی و اونینگ دولتی افغانستان بیلن یخشی مناسبتلرنی کینگه‌یتیریشدن منفعتدار ایکنینی تأکیدله‌دی.
کورومیا افغانستانگه انسانپرورلیک یاردمی دوام ایتیشیگه ایشانتیردی و اونینگ مملکتی قَیته قوریش، رواجلنیش، ساغلیقنی سقلش و صلاحیتنی آشیریش ساحه‌لریده لایحه‌لرنی عملگه آشیریشگه تیارلیگینی بیلدیردی.
شونینگدیک، جاپان ایلچیسی افغانستان سونگگی ایکّی ییلده سیزیلرلی یوتوقلرگه ایریشگنی، یگانه باشقروو تیزیمیگه ایگه‌لیگی، ملی خوفسیزلیک تأمینلنگنی نه‌فقط جاپان، بلکه برچه دولتلرگه معلوم ابکنینی تأکیدله‌دی.
باش وزیرلیک اداره سی نینگ سیاسی اورین‌باسری مولوی عبدالکبیر شونده‌ی دیدی: جاپان افغانستانده تینچلیک، برقرارلیک و ترقیاتنی دایما قوللب-قوّتلب کیلگن و افغانستانده ییرآستی بایلیکلرینی برپا ایتیش و ترقیات لایحه‌لرینی باشلشده همکارلیکنی دوام ایتتیریشنی تأکیدله‌دی.
اونینگ قوشیمچه قیلیشیچه، اسلام امیرلیگی برچه افغانلر اوچون هیچ قنده‌ی کمسیتیشسیز خدمت کورسه‌ته‌دی، برچه افغانلر دولت یاردمی و خدمتلریدن فایده‌لنیشی و حکومت ترکیبیگه کیریشی مهم.
اونگه کوره؛ اسلام امیرلیگی نینگ ییچیمی شونده‌کی، افغانستان هیچ کیمگه تهدید ایمس و هیچ کیمگه افغانستاندن باشقه‌سیگه قرشی فایده‌لنیشگه رخصت بیریلمه‌یدی.
باش وزیرلیک اداره سی نینگ سیاسی اورین‌باسری اسلام امیرلیگی ملاقاتگه ایشانیشینی و هر بیر مسأله ملاقات آرقه‌لی حل ایتیلیشینی ایستشینی بیلدیردی.
مولوی عبدالکبیر ینه دیدی: بیز ملاقات آرقه‌لی باشقه‌لر نینگ تشویشلریگه جواب بیریشگه تیارمیز.
