کابل، ۷ دلو، باختر
بیر قطار ایچکی و خارجی اخبارات سایتلری دنیا و منطقهدهگی اوزگریشلر بیلن بیر قطارده افغانستاندهگی اوزگریشلرنی هم بحث قیلدی.
باختر آژانسی نینگ مخبری اوشبو خبر سایتلری نشرلرینی اورگنیب، اوشبو حساباتنی تیارلهدی.
افغان آوازی (آوا) خبر سایتی «باش وزیر نینگ سیاسی بوییچه اورینباسری ناروی ایلچیخانهسی نینگ وقتینچهلیک ایشلر وکیلی بیلن اوچرهشوویده: افغانستانده تی تی پیگه اورین یوق، داعش انسانیت دشمنی صفتیده باستیریلدی» سرلوحهسی آستیده یازدی: مولوی عبدالکبیر، باش وزیر نینگ سیاسی اورینباسری، ناروی ایلچیخانه نینگ وقتینچهلیک ایشلر وکیلی بیلن اوچرهشوویده افغانستان بوییچه اسلام امیرلیگی دنیا نینگ برچه دولتلری بیلن علاقه اورنهتیشنی خواهلشینی ایتدی.
او شونینگدیک، افغانستانده تی تی پیگه اورین یوقلیگینی، داعش انسانیت دشمنی صفتیده باستیریلگنینی تأکیدلهدی.
طلوع نیوز ینگیلیکلر سایتی “خوستدن بیرلشگن عرب امیرلیکلریگه آریانا ریسلری نینگ قَیته تیکلنیشی” سرلوحهسی آستیده شوندهی یازدی: ایکّی ییللیک توختهتیلگندن سونگ، خوست خلقارا هوا قونالغه سیدن بیرلشگن عرب امیرلیکلریگه پروازلر جمعه کونی قَیته تیکلندی.
ترانسپورت و هوایی وزیرلیگی مطبوعات کاتبی امام الدین احمدی نینگ ایتیشیچه، آریانا افغانستان شرکتی ایچکی رییسلردن تشقری خوستدن بیرلشگن عرب امیرلیکلریگه هفتهسیگه ایکّی مرته پرواز قیلهدی.
اوشبو وزیرلیک رسميلریگه کوره، جمعه کونی افغانستان فقرالری نینگ بیر قِسمی آریانا افغانستان شرکتی نینگ ریسیسی بیلن بیرلشگن عرب امیرلیکلریگه جونهتیلگن.