کابل، ۲۷ عقرب، باختر
قطار اخبارات سایتلری دنیا و منطقه‌ده‌گی اوزگریشلر بیلن بیر قطارده افغانستانده‌گی اوزگریشلرنی هم بحث قیلدی.
باختر آژانسی مخبری اوشبو سایتلر نینگ نشرلرینی اورگنیب چیقیب، اوشبو حساباتنی تیارله‌دی.
اسپوتنیک خبر سایتی، “اسلام امیرلیگی قوریقچی حکومتی تشقی ایشلر وزیرلیگی نینگ غزه ده‌گی اوروشگه “غرب دولتلری نینگ دولیستیک یاندشووینی” تنقید قیلیش” سرلوحه‌سی آستیده یازدی.
وزیرلیک بیاناتیده اسرائیل کوچلری برچه اوروش قانونلرینی بوزگنی و غرب دولتلری “انسان حقوقلری”دن سیاسی مقصدلرده فایده‌لنه‌یاتگنینی تأکیدله‌دی. بو خبرنامه‌ده اسلامی و عرب دولتلریدن «غزه نینگ مظلوم مسلمانلری» نینگ آوازیگه قولاق توتیشلری، تأثیرلی قدملر قوییب، دینی و انسانی مسوولیتینی ادا ایتیشلری سوره‌له‌دی.
طلوع نیوز سایتی «پاکستان رسميلری: بیز برچه ناقانونی مهاجرلرنی جنوریگچه دیپورت قیله‌میز» سرلوحه‌سی آستیده یازدی: پاکستان نینگ بلوچستان ولایتی اخبارات وزیری افغانستاندن کیلگن برچه ناقانونی مهاجرلر ۲۰۲۴ – ییل جنورییگچه پاکستاندن دیپورت قیلینیشینی ایتدی.
جان اچکزی نینگ قوشیمچه قیلیشیچه، حاضر افغانستان خوفسیز و افغان مهاجرلری اوز یورتلریگه قَیتیشلری کیره‌ک.
افغانستان نینگ شفقنا اخبارات سایتی «فلای دبی – کابل ریسلری نینگ ایکّی ییلدن سونگ قَیته تیکلنیشی» سرلوحه‌سی آستیده:
اسلام امیرلیگی باش وزیری نینگ اقتصادیات بوییچه اورین‌باسری اداره‌سی «فلای دبی» تخمیناً ایکّی ییلدن سونگ افغانستانگه پروازلرینی قَیته باشله‌گنینی معلوم قیلدی.
اسلام امیرلیگی باش وزیری نینگ اقتصادی اورین‌باسری ایکس ده خبر اعلان قیلدی و ایکّی ییلدن سونگ بو شرکت نینگ کابلگه بیرینچی پروازی ۲۴ – عقرب، چهارشنبه کونی ایرته‌لب عملگه آشیریلگنینی یازدی.
