کابل ۱۵ حمل باختر
افغانستان نینگ کراچیده‌گی قنسوللیگی نینگ سرپرستی مولوی سید عبدالجبار تخاری کراچی باجخانه باشقرمه‌سی عمومی باشلیغی واجد علی بیلن اوچره‌شدی.
اوشبو اوچره‌شوویده قنسوللیک سرپرستی کراچی بندریده بیر ییلدن بویان توخته‌تیب قوییلگن هلو ترست ماینلردن تازه‌لش مؤسسه‌سیگه تیگیشلی ماینلردن تازه‌لش اسکونه‌لری آلیب کیله‌یاتگن کانتینر نینگ حقیده گپیردی و بو باره‌ده همکارلیک قیلیشنی سوردی.
واجد علی بو باره‌ده همکارلیک قیلیشگه وعده بیردی.
شو بیلن بیرگه، افغانستانده‌گی ماینلردن تازه‌لش مؤسسه‌لری نینگ کوپچیلیگی تخنیک اسکونه‌لری نینگ ایتیشمسلیگی و افغانستان ماینلر و پارتله‌مه‌گن ماتریاللر بیلن افلاسلنیشی معماسیگه دوچ کیلماقده، چونکه اوروش آدملر نینگ حیاتی و ملکیگه جدّی معمالرنی کیلتیریب چیقردی و یقینده ایکّیته واقعه صادر بولدی. پارتله‌مه‌گن اوق-داریلر نینگ پارتلشی عاقبتیده اون کیشی باله جانلرینی بو پارتله‌مه‌گه قولدن بیردی.
