کابل ۱۶ حوت باختر
افغانستان مرکزی بانکی باشلیغی هدایت الله بدری ننگرهار، لغمان، کونر و نورستان ولایت حاکملری و خوفسیزلیک خادملری بیلن بولیب اوتگن اوچره‌شوویده اسلام بانکینی رواجلنتیریش و مالی ریسورسلرنی مستحکملش حقیده گپیردی.
باختر آژانسیگه کوره؛ اوشبو اوچره‌شووده «افغانستان مرکزی بانکی» سرپرست باشلیغی مالی ریسورسلرنی مستحکملش، اسلامی بانکینی رواجلنتیریش، افغانی پوللرینی ترغیب قیلیش و اهالی نینگ مالی خدمتلردن فایده‌لنیشینی تأمینلش مقصدیده حکومت اداره‌لری نینگ همکارلیک روحینی یره‌تیش و سعی-حرکتلرینی بهم کوریشگه اورغو بیردی.
او شرقی زون ولایت حاکملری و بو ولایتلر خوفسیزلیک عملدارلریدن خلقنی معرفتلی قیلیش و ملی غرورنی قوللب-قوّتلش، اینیقسه افغانی پوللرینی ایلگری سوریش و افغانستان مرکزی بانکیگه یاردم بیریش اوچون حرکت قیلیشلرینی سوردی.
«افغانستان مرکزی بانکی» سرپرست باشلیغی مملکتدن ناقانونی روشده دالرنی قاچاق – قیلیش نینگ آلدینی آلیشگه علیحده توخته‌لیب، بو باره‌ده تیگیشلی اداره‌لردن همکارلیک قیلیشنی طلب قیلدی.
شونینگدیک، اوشبو اوچره‌شووده تیگیشلی نهادلر اورته‌سیده‌گی همکارلیک و هم‌جهتلیک تأکیدلنیب، یوقاریده تیلگه آلینگن متصدیلر «افغانستان مرکزی بانکی» بیلن همکارلیک قیلیشگه تیار ایکنلیکلرینی بیلدیر دیلر.
