کابل ۲۸ حوت باختر
توناون کیچه ساعت ۳:۰۰ اطرافیده پاکستان اوچاقلری پکتیکا ولایتی نینگ برمل تومنیده‌گی لمن و خوست ولایتی نینگ سپیره تومنیده‌گی افغان-دوبی حدودیده‌گی تورر-جایلرنی بامباردمان قیلدی، نتیجه‌ده ۶ کیشی (اوچ عیال و اوچ کیشی باله) پکتیکاده شهید بولیب، بیر اوی ویران بولدی، خوست ولایتیده ایسه ایکّی عیال شهید بولدی.
پاکستان تامانی بو هجوملرده عبدالله شاه اسملی شخص نی هدف‌گه آلگنینی ادعا قیلگن، لیکن بامباردمان زمانیده و هلی هم تیلگه آلینگن شخص پاکستانده بولگن. اولر حاضرگچه ذکر ایتیلگن حدودده هر کونگی قتناو و قرینداشلیک علاقه‌لری بولگن بیر خیل آدملر نینگ چیزیغی نینگ ایکّی تامانیده استقامت قیلیشه‌دی. افغانستان اسلام امیرلیگی مذکور خروجلرنی کیسکین قاره‌له‌یدی و بو اویلب تاپیلمه‌گن حرکتنی افغانستان حدودینی بوزیش، دیب بیله‌دی.
آزادلیکنی باشدن کیچیرگن و بویوک کوچلرگه قرشی اوزاق کوره‌ش آلیب بارگن افغانستان اسلام امیرلیگی اوز حدودیگه هیچ کیم نینگ باستیریب کیریشیگه یول قویمه‌یدی.
پاکستان خلقی و ینگی فقرالیک حکومتی بونده‌ی قورقمس حرکتلری بیلن بیر نیچه جنراللرگه اوتگن ییگیرمه ییلده‌گیدیک اوز ناتوغری سیاستلرینی باشقه یونه‌لیشلر منفعتی اوچون دوام ایتتیریشیگه و ایکّی قوشنی مسلمان دولتی مناسبتلریگه ضرر ییتکزیشیگه یول قویمسلیگی کیره‌ک دیب تأکیدله‌دی.
پاکستان – افغانستان واقعه‌لرنی نظارت قیله آلمه‌گنی، اونینگ قابلیبسیزلیگی و معمالری اوچون عیبله‌مسلیگی کیره‌ک، چونکه بونده‌ی واقعه‌لر پاکستان نینگ نظارتی آستیده بولمه‌گن جوده اچینرلی نتیجه‌لرگه آلیب کیله‌دی.
افغانستان اسلام امیرلیگی هیچ کیمگه افغان توپراغیدن کیم نینگدیر خوفسیزلیگیگه ضرر ییتکزیش اوچون فایده‌لنیشیگه رخصت بیرمه‌یدی.
