فیض آباد، ۲ دلو، باختر
خبرلرگه کوره، افغانستان شمالیده‌گی بدخشانده قوله‌گن (سقوط) اوچاق نینگ تورت کیشی یولاوچیسی تیریک، روسيه نینگ اوشبو کیچیک یولاوچی اوچاقی شنبه کونی کیچقورون هندوستاندن روسيه‌گه کیته‌یاتگنده کوف تومنیده هلاکتگه اوچره‌دی، بو حلی انیق بولمه‌گن سببلرگه کوره قوللب توشگن.
بو اوچاق نینگ قالدیقلری توناون افغان خوفسیزلیک کوچلری تامانیدن اوز وقتیده آلیب باریلگن قیدیروو ایشلریدن سونگ تاپیلگن.
افغانستان شمالیده‌گی بدخشان نینگ محلی رسميسی خان محمد حاجی اسد باختر آژانسی نینگ محلی مخبریگه اوچاق نینگ آلتی یولاوچیسیدن تورت کیشی تیریک قالگنینی ایتدی.
اوشبو اوچاق هلاکتگه اوچره‌گه‌چ، روسيه هوایی باشقرمه سی اونینگ ایکّی یولاوچیسی روسيه‌لیک ایکنلیگینی ایتدی.
افغانستان هوایی وزیرلیگی هم اوشبو کیچیک اوچاقده تورت خدمه اعضاسی و ایکّی یولاوچی بولگنینی معلوم قیلدی.
وزیرلیک، شونینگدیک، اوشبو اوچاق افغانستان تیزیمیده رویخطدن اوتمه‌گنینی هم ایتدی.
حاضرچه اوچاق هلاکتی سببلری انیق ایمس. باشقه تاماندن، بدخشاندن کیلگن محلی افغانستان حکومتی اوشبو اوچاق نینگ قوتقریلگن تورت کیشی یولاوچیسی واقعه جاییدن آلیب کیلینگن و اولر خوفسیز ایکنینی معلوم قیلدی.
