کابل(بی این اے ) ازبکستان کے سرحدی صوبہ سرخان دریا کے گورنر قاسموف اولوغ بیک بردی کابلوچ اور ان کے وفد نے بلخ میں صوبائی گورنر حاجی محمد یوسف وفا اور بعض دیگر حکام سے ملاقات کی۔
دونوں شخصیات نے افغانستان اور ازبکستان کے درمیان دوطرفہ تعاون مضبوط بنانے اور تجارتی تعلقات بڑھانے پر زور دیا۔
بلخ کےگورنر نے دونوں ممالک کے درمیان اور پورے افغانستان کی سرحد پر مکمل سیکیورٹی کی یقین دہانی بھی کرائی ہے اور دونوں فریق کے مفاد کے لیے تعلقات کو فروغ دینے پر زور دیا ہے۔
محمد یوسف وفا نے دورہ کرنے والے ازبک وفد سے ملک میں زلزلہ متاثرین اور واپس آنے والوں کی امداد کا مطالبہ بھی کیا۔
ازبک وفد نے مہمان نوازی پر گورنر محمد یوسف کا شکریہ ادا کیا اور دونوں ممالک کے درمیان تعلقات مزید مستحکم کرنے پر زور دیا۔
