پل خمری (بی این اے) بغلان ضلع تالا و برفک میں چھ صحت مراکز فعال کردیے گئے ہیں جس سے تقریباً 70 ہزار افراد کو صحت کی خدمات فراہم کردی گئی ہیں۔
ضلعی صحت مرکز کے سربراہ ڈاکٹر محمد شعیب حقبین نے باختر ایجنسی کو بتایا اس ضلع میں چھ فعال مراکز صحت ہیں جن میں ایک جامع صحت مرکز، ایک بنیادی مرکز صحت، اور چار ذیلی مراکز شامل ہیں۔ جہاں روزانہ اوسطاً 180 مریضوں کا چیک اپ کیا جاتا ہے۔ ہیلتھ کلینک کے سربراہ نے سپیشسلسٹ ڈاکٹرز کی کمی اور صحت کے اہلکاروں کی تنخواہوں اور مراعات میں 50 فیصد کمی کو چیلنجز کا حصہ قرار دیا اور اس شعبے میں کام کرنے والے مرکزی حکام اور اداروں سے کہا کہ وہ اس پر توجہ دیں۔
اس کے ساتھ ہی ضلع کے دو رہائشی نجم الدین اور غلام سخی جو کہ علاج کے لیے کلینک گئے تھے، نے ڈاکٹروں کے علاج اور ان کی حاضری پر اطمینان کا اظہار کرتے ہوئے کہا: تالا و برفک کے زیادہ تر رہائشی غریب ہیں، وہ وہ دوائی خریدنے اور مریضوں کو شہر لے جانے کے متحمل نہیں ہیں۔
انہوں نے وزارت صحت عامہ سے مطالبہ کیا کہ وہ ضلعی مرکز صحت کو ہسپتال کا درجہ دیں اور میڈیکل آلات کی فراہمی کے ساتھ اس کی مالی معاونت کریں۔
