کابل /20حوت/ باختر
مولوی امیرخان متقی سرپرست وزارت خارجه، صبح امروز در نشستی سه‌جانبه با شیخ محمد بن عبدالرحمن آل ثانی، وزیر خارجه و معاون رئیس‌الوزرای قطر و آقای تام وِست، نمایندهٔ ویژهٔ امریکا و هیأت همراه اش در شهر آنتالیا ترکیه دیدار کرد.
در این نشست که ملا خیرالله خیرخواه، سرپرست وزارت اطلاعات و فرهنگ نیز حضور داشت،
اشتراک‌کنندگان نشست آنتالیا را فرصتی خوب برای توسعهٔ روابط دانستند.
جانب افغانستان، وضعیت کشور را بیشتر از هر وقت برای تعامل مثبت و دیپلوماتیک با جهانیان مساعد خواندند و افزودند که به رسمیت شناخته‌شدن و آزادشدن سرمایهٔ افغانستان، حق مشروع افغانان است که توسعهٔ روابط سیاسی و رشد اقتصاد افغانان به آن وابسته است.
وزیر خارجهٔ قطر در مورد مأموریت قطر و ایالات متحدهٔ امریکا در افغانستان صحبت کرد و چنین نشست‌ها را به نفع همه طرف‌ها دانست.
همچنان نمایندهٔ ویژهٔ ایالات متحدهٔ امریکا
روی سیاست‌های آیندهٔ کشورش پیرامون افغانستان معلومات ارائه کرد و افزود، ما تلاش می‌کنیم که اقتصاد افغانستان خودکفا شود.
