کابل باختر 3 اسد
محمد اشرف غنی رئیس جمهوری اسلامی افغانستان امروز در مراسم ختم قرآن عظیم الشان و اتحاف دعا به روح شهدای حادثه تروریستی روز گذشتهء شهر کابل که در مسجد جامع ارگ برگزار گردید، اشتراک نمود.
به اساس معلومات دفترمطبوعاتی ریاست جمهوری به آژانس باختر، رئیس جمهور و سایر اشتراک کننده گان به روح شهدا اتحاف دعا کردند و برای بازمانده گان شان صبر جمیل و به زخمی شده گان، صحتمندی کامل از درگاه خداوند (ج) تمنا نمودند.
در این مراسم بر علاوهء رئیس جمهور غنی، قانونپوه سرور دانش معاون دوم رئیس جمهور، انجنیر محمد خان و محمد محقق معاونین ریاست اجرائیه، قیام الدین کشاف رئیس شورای سرتاسری علمای افغانستان و شماری از اعضای آن شوری، تعدادی از وزرا، مشاورین رئیس جمهور و اعضای شورای ملی و شماری از شخصیت های ملی و سیاسی کشور، اشتراک داشتند.
