کابل باختر 24 جدی
مراسم تشییع جنازه وخاکسپاری شهید الحاج سراج الدین صفری وبازمحمد جوزجانی نماینده گان مردم درشورای ملی با تشریفات رسمی برگزارشد.
به اساس معلومات دفتر مطبوعاتی مشرانوجرگه به آژانس باختر، دراین مراسم داکترعبدالله عبدالله رئیس اجرائیه حکومت وحدت ملی، فضل هادی مسلم یار رئیس مشرانوجرگه شورای ملی، عبدالرؤف ابراهیمی رئیس ولسی جرگه، شماری ازاعضای کابینه، نمایندگان مردم درپارلمان، رؤسای عمومی دارالانشاهای مجلسین، مقامات حکومتی، بزرگان وصدها تن از اقارب آن دوشهید برگزارشد.
جنازه سناتورالحاج سراج الدین صفری وبازمحمد جوزجانی نماینده مردم جوزجان درولسی جرگه ازشفاخانه سردارمحمد داوود خان بواسطه دوچرخبال نظامی به صحن شورای ملی انتقال گردید که پس از ادای نماز جنازه با تشریفات ویژه درکنارساختمان شورای ملی به خاک سپرده شدند، دراین مراسم تاکید گردید که باید عاملین رویداد های خونین علیه نماینده گان مردم درشورای ملی شناسایی ومجازات گردیده درتأمین امنیت نماینده گان مردم وکارمندان دارالانشا های مجلسین تدابیرویژه اتخاذ گردد.
شهید سناتورسراج الدین صفری وشهید بازمحمد جوزجانی دریک سفر رسمی به خاطرحریق بانکنوت های مندرس عازم ولایت کندهار گردیده بودند که شام سه شنبه 21 جدی سالروان درمهمانخانه ولایت کندهار درحمله تروریستی با یکتعداد دیگر ازمقامات داخلی وخارجی جام شهادت را نوشیدند، والی قندهار وسفیرامارات متحده عربی وشماری دیگرزخم برداشتند.
