کابل، 12 دلو، باختر
افغانستان اسلام امیرلیگی مطبوعات کاتبی مولوی ذبیح الله مجاهد شوندهی دییدی: افغانستانده القاعده اعضالری یوق دیدی.
بو بیانات بیرلشگن ملتلر تشکیلاتی خوفسیزلیک کینگشی یقینده اوز حساباتیده افغانستانده القاعده مرکزلری بارلیگی یاکه افغانستان اسلام امیرلیگیده اَیریم گروهلر فعال بولگنلیکده عیبلنهیاتگن بیر پیتده قیلینگن.
بو خبرگه جواباً ذبیح الله مجاهد شوندهی دیدی: «افغانستان اسلام امیرلیگی بو یالغان عیبلاونی قطعیاً رد ایتهدی. «افسوسکی، افغانستان اسلام امیرلیگینی عیبلش بوییچه منتظم دستور اولر دایما ترغیب قیلهدیگن بیرلشگن ملتلر تشکیلاتی نینگ مراجعتیدن باشلندی».
مجاهد نینگ قوشیمچه قیلیشیچه، بو بیرلشگن ملتلر تشکیلاتی منزلیدن ناتوغری فایدهلنیش، افسوسکی، اوشبو تشکیلاتگه اعضا دولتلر بوندهی فایدهلنیشنی دوام ایتتیریشگه رخصت بیریشماقده.
اونینگ سوزلریگه کوره، «بیز بیلهمیزکی، خوفسیزلیک کینگشیگه اعضا قطار دولتلر افغانستانده مغلوبیتگه اوچرهگن، اولر طبيعی روشده اوز نفرتینی بیلدیرهدی و بوندهی میش-میشلرنی ترقهتهدی، لیکن افغانستان بیلن یخشی مناسبتده بولگن اعضا دولتلر بونگه یول قویمسلیکلری کیرهک». بو بویوک خلقارا تشکیلاتی نینگ آبروسیگه پوتور (لکه) ایتکزهدی و اونینگ قرارلری بیر قنچه مملکتلر نینگ سیاسی مقصدلری اطرافیده ایلنهدی.
او شونینگدیک، «افغانستانده القاعده دن هیچ کیم یوق، اسلام امیرلیگی هم افغانستان توپراغیدن هیچ کیمگه بیران بیر یونهلیشگه قرشی فایدهلنیشگه رخصت بیرمهیدی»، دیدی. «افسوسکی، خوفسیزلیک کینگشی نینگ حساباتلری ییگیرمه ییل دوامیده اوز منفعتلری یولیده اشغال طرفداری بولگن و افغانستان نینگ آزادلیگی، اهالیسی و خوفسیزلیگیگه سیزگیر بولگن منبعلردن کیلهدی».
افغانستان اسلام امیرلیگی مطبوعات کاتبی، شونینگدیک، بیرلشگن ملتلر تشکیلاتی خوفسیزلیک کینگشی اوز حساباتلری نینگ سیاسی و اقتصادی منفعتدارلر مقصدلری قربانیگه ایلنیشیگه، افغانستاندهگی آبرو-اعتباری و ایشانچینی شبهه آستیگه قوییشیگه یول قویمسلیگی کوتیلهیاتگنینی تأکیدلهدی.
او، شونینگدیک، “اوتگن ییگیرمه ییل انقراضی نینگ اساسی سببی شوندهی اساسسیز معلوماتلرگه اساسلنگن حکم” ایکنلیگینی ایسلهتدی.