کابل، ۱۱ جدی، باختر
افغانستان اسلام امیرلیگی مطبوعات کاتبی ذبیح الله مجاهد «چیگره بیلمس مخبرلر» تشکیلاتی نینگ یقینده اعلان قیلگن حساباتیگه جواب قَیتردی و افغانستانده عاموی اخبارات واسطهلری نینگ هم ایرکینلیگی، هم اوز فعالیتی بارلیگینی ایتدی.
ذبیح الله مجاهد ملی رادیو و تیلی کانالیگه بیرگن اینترویوسیده «افغانستانده عاموی اخبارات واسطهلری هم ایرکینلیککه، هم اوز فعالیتیگه ایگه، البته، مملکت قانونلری و اسلامی قدریتلرنی حسابگه آلیش شرطی بیلن»، دیدی.
«چیگره بیلمس مخبرلر» تشکیلاتی اوزی نینگ سونگگی حساباتیده افغانستاننی ژورنالیستلر و عاموی اخبارات واسطهلری خادملری اوچون اینگ خوفلی دولتلردن بیری دیب اتهگن و ۲۰۲۳-ییلده اسلام امیرلیگی تامانیدن ۲۱ کیشی ژورنالیست قماققه آلینگنی، اولردن اوچ کیشی همان ژورنالیستدیر قماقخانهده.
بیراق، ذبیح الله مجاهد نینگ ایتیشیچه، “… بعضیده مأموریتلر عاموی اخبارات واسطهلری خادملرینی بعضی مسألهلر یاکه جزالر بیلن بولیشیش اوچون حاضر قیلدیلر و کیین اولرنی قوییب یوباردیلر و بو حبسگه آلیش ایمس”.
مجاهد نینگ قوشیمچه قیلیشیچه، قضایی جریانیگه سبب بولگن بعضی حبسلر قانونی و جنایی خصوصیتگه ایگه بولیب، اولر عاموی اخبارات واسطهلری فعالیتی بیلن باغلیق ایمس.
اسلام امیرلیگی مطبوعات کاتبی ینه بیر بار تاکیدلهدیکی، عاموی اخبارات واسطهلری افغانستانده اوز فعالیتینی ایرکین و مملکت قانونلری همده اسلامی قدریتلر و تمایللرنی یادده توتگن حالده آلیب بارهدی.