هرات، ۲۹ عقرب، باختر
هرات زلزله جبرکورگنلر کمیسیونی مطبوعات کاتبی نینگ ایتیشیچه، زلزلهدن جبر کورگن بعضی حدودلرده اوی – جای قوریش ایشلری ۸۰ فایزگه آشگن و بو اویلر تیز آرهده جبرلنگنلر اختیاریگه تاپشیریلهدی.
هرات شهر اخبارات و مدنیت بولیمی باشلیغی مولوی احمدالله متقی قیشلاق حدودلرینی تیکلش و رواجلنتیریش وزیرلیگی اورینباسری بیلن سیاه آب و نایب رفیع حدودلریده اوی – جای قوریلیشی جریانی بیلن تنیشدی.
هرات اخبارات و مدنیت بولیمی باشلیغی، زلزله قربانلری کمیسیونی مطبوعات کاتبی مولوی احمدالله متقی باختر آژانسی نینگ مخبری بیلن صحبتده بعضی حدودلرده اوی قوریلیشی ۸۰ فایزگه ییتگنینی و قیشکی ساووقدن آلدین زلزله قربانلریگه ییتکزیب بیریلیشینی ایتدی.
هرات اخبارات و مدنیت باشقرمه سی باشلیغی نینگ قوشیمچه قیلیشیچه، اویلر یانیده پولیکلینیکلر، مکتبلر و مسجدلر هم قوریلهدی.
عینِ پیتده سیاه آب حدودیدهگی اوی – جای قوریلیشیگه مسوول انجنیری ایش کیچهیو کندوز ایکّی پیتده دوام ایتهیاتگنی، اویلرنی تیزراق حدود اهالیسیگه ییتکزیب بیریش اوچون جدّی حرکت قیلهیاتگنینی ایتهدی.
باشقه تاماندن، قیشلاق ترقیاتی و آبادانلشتیریش وزیرلیگی اورینباسری مولوی شرافت الدین مسلِم نینگ ایتیشیچه، اویلر قوریب بولینگندن سونگ جبرلنگنلرگه ایش تأمینلیدی.
ایسلهتیب اوتمیز، ۱۵ میزان زلزلهدن اینگ کوپ ضرر کورگن سياه آب حدودیده ۲۲۵ ته اوی قوریلهدی.