کابل، د وري ۱۲مه، باختر
د افغانستان اوسپنې پټلۍ اداره وايي، چې تېره اوونۍ ( د وري له ۳ مې د وري تر ۹ مې) نېټې د اوسپنې پټلۍ له لارې ۹۰ زره ۵۵۳ مټریک ټنه انتقالات شوي دي.
دغه ادارې په یوه خبرپاڼه کې ویلي، چې تېره اوونۍ د حیرتانو بندر له لارې ۶۹ زره ۷۳۶ مټریک ټنه، د آقینې بندر له لارې ۹ زره ۳۲۵ مټریک ټنه او همدارنګه د تورغونډۍ بندر له لارې ۱۱ زره ۴۹۲ مټریک ټنه انتقالات شوي دي.
په خبرپاڼه کې زیاته شوې چې تېره اوونۍ دغه راز ۴۰۰ ټنه صادرات شوي، چې لویه برخه یې وچه مېوه، کینو او د آنارو جوس جوړوي.
د یادونې وړ ده، چې یادې ادارې وړمه اوونۍ هم د افغانستان اوسپنې پټلۍ له لارې د زرګونه مټریک ټنو د انتقالاتو خبر ورکړی و.
