کابل / دلېندۍ ١٧مه /باختر :
په ننګرهار کې لسګونو کلي په پوځي عملياتوکې دوسله والو طالبانو او داعش دډلو له شتون څخه پاک شول .
دغه عمليات پنځه ورځې مخکې دسلګونو پوځيانو اودهېواد دهوايي قوتونوپه ملاتړ دشيرزاد په ولسوالۍ کې پيل شول او دغه راز دوام لري .
دننګرهار دوالي وياند عطاالله خوږياڼي دباختراژانس خبريال ته وويل چې په دغوعملياتو کې تراوسه پورې دشيرزاد ولسوالۍ په لسګونوکلي د طالبانو او داعشيانو دافرادو له شتون څخه پاک شوي دي .
هغه وويل ددغو عملياتو په بهير کې دطالبانو او داعشيانو څومرکزونه له ټولو جنګي وسايلو سره له منځه لاړل .
دغه راز په دغو عملياتو کې شپږ وسله وال طالبان او دداعش دډلې څلور غړي ووژل شول او څو تنه نور ډار اچوونکي ټپيان شول .
ختم_ سعيده _ اکرم
