سياسي معين دترکمنستان دوزيرانو شورا له مرستيال او دبهرنيو چارو له وزير سره وکتل .

کابل باختر د غبرګولي ٢٧مه :
دبهرنيو چارو وزارت سياسي معين ادريس زمان  دترکمنستان  جمهوريت دوزيرانو شورا له مرستيال او دبهرنيو چارو له وزير رشيد ميري دوف سره وکتل .
دبهرنيو چارو وزارت مطبوعاتي دفتر باختراژانس ته خبرورکړ ، په دې کتنه کې دواړو لورو  ددوه اړخيزو اړيکو ، په نږدې راتلونکې کې  په کابل او عشق اباد کې دسياسي سلامشورو  دغونډې دجوړولو ، داقتصادي اړيکو دپراختيا ،  فرهنګي همکاريو ، دتورغندي _ هرات  داوسپنې  پټلۍ دغځولو  دهوکړه ليک او داوسپنې پټلۍ دپروژې  دتمويل لپاره  دملاتړ دجذب دهوکړه ليک ددواړو هېوادونوترمنځ د ژمنو دتعقيبولو او عملي کولو دچوکاټ درامنځته کولو ، دافغانستان دخلکو او دولت په رهبرى او مالکيت  دسولې دبهير او دجمهوري رياست دانتخاباتو په باب  خبرې وکړې .
  ددغې غوڼدې په پاى کې  ميري دوف  دمهاجرت دنړيوال سازمان دعمومي رياست  دمعاونيت په مقام  د ډاکترې  ثريا دليل  له نوماندې سره  دملاتړ په باب  دخپل هېواد  دهوډ خبرورکړ .
  ختم_  عطاالله _ اکرم