کابل – باختر دليندۍ دمياشتې ٧
دجوزجان ولايت دآقچې ولسوالۍ لپاره دطالبانو نومول شوى ولسوال له خپلو دووتنو افرادو سره ونيول شو.
په قاري رشيد مشهور فيض الله تيره شپه ناوخته د آقچې ولسوالۍ د سرخ په سيمه کې دهغه په پټنځاى بريد وشو او ونيول شو .
دجوزجان ولايت امنيه قوماندان جنرال فقيرمحمدجوزجاني باختر آژانس ته وويل: دوسله والو طالبانو دغه قوماندان د يولړ تروريستي بريدونو په سازمان ورکولو بوخت و چې ونيول شو.
فيض الله په جوزجان کې دوسله والو طالبانو د ډير ظالم قوماندان په توګه ياديږي.
دبمونو دايښودل ، دخلکو ځورونه ، له خلکوڅخه دعشر او زکاته په نامه د باج اخيستل او د جوزجان او اقچې ولسوالۍ په ځينو سيمو کې دقومي مشرانو ترور
د ده په لارښوونه ترسره کيدل.
سيمه ييز مسولين وايي چې دآقچې دولسوالۍ لپاره دطالبانو دنومول شوي ولسوال نيول دامنيت دښه کيدو لپاره زمينه برابره وي.
