کابل باختردتلې دمياشتې ٣٠ :
دبغلان ولايت د ښوونکو د روزنې د موسسې ٤٧٨ تنه محصلان په روان کال کې له دغې موسسې څخه فراغت ته چمتو دي .
دغه محصلان د بغلان ولايت په مرکز او د خوست ، نهرين ، دهنه غوري، مرکزي بغلان ، دوشي او د خنجانو د ولسواليو اوسيدونکي دي .
د بغلان ولايت د ښوونکو د روزنې د موسسې رييس محمد ناصر فرهمند دباخترآژانس خبريال ته وويل چې د دغې موسسې محصلان د دينې علومو ، سياينس، رياضي، انګليسي ژبې، د پښتو او دري ادبياتو، ټولنيزو علومو او د کمپيوټر په څانګوکې له دوو کلونو زده کړې وروسته د مسلکي ښوونکو په توګه فراغت ته چمتو دي .
فرهمند زياته کړه چې همدا اوس په دې موسسه کې د داخل خدمت او له خدمت څخه بهر په ګډون ٢ زره ٩٤٩ تنه په زده کړه بوخت دي چې دوه زره ديارلس تنه يې ښځې دي.
