کابل / باختر د تلې دمياشتې ٢٠ :
دملي امنيت ځواکونو درې تنه تروريستان په قندهار ولايت کې ونيول.
دقندهار ولايت مطبوعاتي دفتر ديوې اعلاميې په ترڅ کې ويلي دي چې دملي امنيت ځواکونو تيره شپه درې تنه تروريستان قندهار ښار ته څيرمه ونيول.
ويل شوي دي چې دغو کسانو دقندهار ولايت په بيلابيلو سيمو کې تروريستي فعاليتونو ته سازمان ورکاوه .
دغه تروريستان دروزګان ولايت دخاص روزګان دولسوالۍ اصلي اوسيدونکي دي اوپه خپل جرم يې اعتراف کړى دى.
