په سمنګانو کې دپستې محصولات زيات شوى دى .

-کابل باختر د زمري يو ويشتمه :
په سمنګانو ولايت کې سږ کال دپستې حاصلات دتيرکال  په پرتله په سلوکې لس زيات شوې دي .
  دسمنګانو ولايت دکرنې رييس همايون حبيب   باختراژانس ته وويل تيرکال ددغه ولايت دپستې له ځنګلونو څخه يوسلو اوياټنه  پسته ترلاسه شوې وه سږ کال د دغه ولايت دپستې محصولات څه دپاسه يوسلو  اتيا ټنو ته رسيدلى دى .
دکرنې رييس وايي سږ کال دپستې کيفيت هم ډير ښه دى  ده دپستې دمحصولاتو دزياتوالي  علت دهوا ښه والي او په خپل وخت دپستې راټولول وبلل .
پسته دسمنګانو ولايت له زراعتي محصولاتوڅخه شمير ل کيږي او اوس يو من پسته ددغه ولايت په بازارونو کې په اته زره پنځه سوه افغانيو پلورل کيږي .